შუქის ჩაქრობა ან ძაბვის ვარდნა შეიძლება სერვერის დისკს, ბაზას ან ჩამწერს დააზიანოს. VA და W, მუშაობის დრო, UPS-ის ტიპები და ავტომატური გათიშვა — მარტივად.
შუქის ჩაქრობა ოფისში ხშირად ნიშნავს ორ რამეს: შეუნახავ დოკუმენტებს და, უფრო ცუდი, „მოულოდნელად“ გათიშულ სერვერს. ასეთ დროს შეიძლება დაზიანდეს ფაილური სისტემა, ბაზა ან ჩამწერის არქივი. UPS (უწყვეტი კვების წყარო) ამ რისკს ამცირებს.
რისგან იცავს UPS
- შუქის ჩაქრობა — ბატარეა კვებას ინარჩუნებს (მოდელისა და დატვირთვის მიხედვით);
- ძაბვის ვარდნა და „ხტომა“ — ძაბვა სტაბილიზირდება, სანამ ტექნიკამდე მივა;
- ხანმოკლე ციმციმი — მოწყობილობები არ გადაირთვებიან.
VA და W — რა განსხვავებაა
UPS-ზე ორი რიცხვი წერია: VA (სრული სიმძლავრე) და W (აქტიური სიმძლავრე). ტექნიკის დატვირთვა ვატებში (W) იზომება, ამიტომ შეამოწმეთ W-ის მაჩვენებელი და ნუ ეყრდნობით მხოლოდ VA-ს. ჯამურ დატვირთვას დაუტოვეთ სარეზერვო ადგილი — UPS-ს ნუ ამუშავებთ მაქსიმალურ დატვირთვით.
რამდენ ხანს უნდა იმუშაოს
ოფისის UPS-ის მიზანი, ხშირ შემთხვევაში, არა საათობით მუშაობა, არამედ:
- ხანმოკლე გათიშვის „გადატანა“;
- ხანგრძლივი ჩაქრობისას — სერვერის და NAS-ის სწორი, ავტომატური გათიშვა.
მუშაობის დრო დამოკიდებულია დატვირთვაზე და ბატარეაზე — ის მწარმოებლის ცხრილშია, ან ჩვენ შევარჩევთ თქვენი ტექნიკის მიხედვით.
UPS-ის ტიპები
- Line-interactive — ძაბვას არეგულირებს, ბატარეაზე გადადის გათიშვისას; ოფისის ტექნიკის, ქსელის და მცირე სერვერების ტიპური არჩევანი;
- Online (double conversion) — ტექნიკა ყოველთვის UPS-ის ინვერტორიდან იკვებება, ბატარეაზე გადასვლა შეუმჩნევლია; კრიტიკული სერვერებისთვის და არასტაბილური ელექტროქსელისთვის.
რა მიუერთოთ UPS-ს
- სერვერი და NAS;
- ქსელური ტექნიკა — როუტერი, Firewall, სვიჩები (თორემ სერვერი იმუშავებს, მაგრამ ქსელი — არა);
- ვიდეოთვალთვალის ჩამწერი და PoE-სვიჩი, რომელიც კამერებს კვებავს.
💡 ავტომატური გათიშვა: ჩართეთ UPS-ის USB ან ქსელური მართვა, რომ ბატარეის დაცლამდე სერვერი და NAS თვითონ, სწორად გაითიშოს. ამის გარეშე UPS მხოლოდ „გადაავადებს“ ავარიულ გათიშვას.
ბატარეა — მოხმარებადი ნაწილი
UPS-ის ბატარეა დროთა განმავლობაში ცვდება. რეგულარულად შეამოწმეთ UPS-ის self-test-ის შედეგი და ბატარეა შეცვალეთ მწარმოებლის რეკომენდაციის მიხედვით — თორემ ჩაქრობისას UPS-მა შეიძლება რამდენიმე წამიც არ „გაძლოს“.