ინტერნეტის პაკეტი სწრაფია, Wi-Fi-ს სიგნალი „სრულია“, ვიდეოზარი კი ისევ ჩერდება. ვხსნით, რატომ ხდება ასე ოფისებში და როგორ გაისწოროთ.
„ინტერნეტი ნელია“ — IT-ის ყველაზე ხშირი საჩივარი ოფისში. ხშირად პრობლემა ინტერნეტ-პროვაიდერი არ არის, არამედ Wi-Fi-ს ქსელი, რომელიც ოფისის ზომისა და მომხმარებლების რაოდენობისთვის არ არის გათვლილი.
1. ერთი საოჯახო როუტერი ყველასთვის
ბინისთვის განკუთვნილი როუტერი ოფისში ხშირად ერთდროულად ათეულობით მოწყობილობას ემსახურება: ლეპტოპებს, ტელეფონებს, პრინტერებს, ტელევიზორებს. ის ამდენ დატვირთვას ვერ „ზიდავს“. ოფისს სჭირდება ცალკე Access Point-ები — ბიზნეს-ქსელისთვის განკუთვნილი.
2. ძალიან ცოტა წვდომის წერტილი
„სიგნალი მთელ ოფისში ჩანს“ არ ნიშნავს, რომ ის ძლიერი და სტაბილურია. როცა ერთ წერტილზე ძალიან ბევრი მომხმარებელია ან ის ძალიან შორსაა, სიჩქარე ეცემა. საორიენტაციო რაოდენობა გამოითვალეთ Wi-Fi პლანერით.
3. კედლები და მასალები
ბეტონი, აგური, მინა, მეტალი და ლიფტის შახტა სიგნალს მნიშვნელოვანად ასუსტებს. Wi-Fi-ს ქსელი უნდა იგეგმოს ობიექტის ნახვის შემდეგ, არა „თვალზომით“.
4. 2.4 GHz-ის ხმაური
2.4 GHz-ის დიაპაზონში სულ რამდენიმე არხია, სადაც ერთდროულად „ხმაურობენ“ მეზობლების ქსელები, Bluetooth-მოწყობილობები და მიკროტალღური ღუმელი. თანამედროვე მოწყობილობებისთვის გამოიყენეთ 5 GHz (და, თუ შესაძლებელია, Wi-Fi 6).
5. roaming-ის არარსებობა
თუ ოფისში რამდენიმე სხვადასხვა, ერთმანეთთან „არაშეთანხმებული“ როუტერია, ტელეფონი ან ლეპტოპი „ეკიდება“ შორეულ, სუსტ წერტილს. Roaming — ცენტრალიზებული მართვით — მოწყობილობას ავტომატურად უახლოეს წერტილზე გადაიყვანს.
6. სტუმრები იმავე ქსელში
სტუმრების ვიდეოები, განახლებები და ტელეფონების backup-ი თანამშრომლების ქსელს ტვირთავს. სტუმრის Wi-Fi ცალკე, იზოლირებულ ქსელში და მისი სიჩქარის შეზღუდვა — ორივე პრობლემას ხსნის: სიჩქარისაც და უსაფრთხოებისაც.
💡 შეამოწმეთ ინტერნეტიც: ლეპტოპი კაბელით პირდაპირ როუტერს მიუერთეთ და გაიზომეთ სიჩქარე. თუ კაბელითაც ნელია — პრობლემა ინტერნეტის პაკეტშია. თუ კაბელით სწრაფია, Wi-Fi-ით კი ნელი — პრობლემა ქსელშია.
7. ძველი მოწყობილობები და firmware
ძველი ქსელური ბარათები და განუახლებელი firmware სიჩქარეს და სტაბილურობას ამცირებს. Access Point-ების firmware-ის რეგულარული განახლება — ქსელის „მოვლის“ ნაწილია.