RAID რამდენიმე ფიზიკურ დისკს ერთ ლოგიკურ დისკად აერთიანებს. RAID-ის ტიპების უმეტესობა (მაგ. RAID 1, 5, 6, 10) ინფორმაციას ისე ანაწილებს, რომ ერთი (ან, ტიპის მიხედვით, ორი) დისკის დაზიანების შემთხვევაში სერვერი მუშაობას აგრძელებს.
მნიშვნელოვანი: RAID Backup არ არის. თუ ფაილი შემთხვევით წაიშალა ან ransomware-მ დაშიფრა, ცვლილება მაშინვე ყველა დისკზე აისახება. RAID მოწყობილობის დაზიანებისგან იცავს, Backup — მონაცემების დაკარგვისგან.
მაგალითი
სერვერზე ორი დისკი RAID 1-ში: ერთი დისკი დაზიანდა, თანამშრომლებს არაფერი შეეხოთ, დისკი ჩანაცვლდა და მონაცემები ავტომატურად აღდგა.